شــكثر سوينه زينــه منشكرنه
ويحـلون بلـــمحهم من شكرنه
بتلينه احنه بجويكم من شكرنه
تكولون اللواكه شكد اذيه
ـــــــــــــــــــــــــــــــــــ
مرضا وغير حبكم من شفانه
واصيرا لليــــحبنه منشفه انه
تعال اسئل البوسـه من شفانه
تكلك بالصراحه وهاي هيه
ـــــــــــــــــــــــــــــــــــــ
اليعـــاديك للمكــــسيك ســـفره
اعتبرها وياه هاي اصير سفره
ميغــزر الـتوكله بفرد ســـفره
يشمرك بالنفاق وبالاذيه
ـــــــــــــــــــــــــــــــــ
اليضوجك انه اكلك منحه لينه
صـــخر دوم نترابــط منحلينه
نحلي الوادم احــــنه ومنحلينه
وندوس براس كل اهــل الرديه
ـــــــــــــــــــــــــــــــــــــــــــ
ياوسفـــه الــطلبته العمر من بيه
مفكر وزن حــــبي بـــيه من بيه
كتله اسئل كليبي وشوف من بيه
يكلي ارجوك بس ابعد عليه
ـــــــــــــــــــــــــــــــــــــــ
وسف راحت الطيبه والمحنه .
ويريت الغاب اشوفه والمحنه .
نطرته وابقى انطر وألم حنه .
لرجعتك حتى احني اثنين اديه
ـــــــــــــــــــــــــــــــــــــــ
كضيت ايام عمري بحزن صامت
وروحي خلافك على الضيم صامت
تليفوني نطق والوضع صامت
لان يدري العزيز اتصل بيه
ــــــــــــــــــــــــــــــــــــــــ